2025/2026-cı tədris ili üzrə Pedaqoji Şuranın növbəti iclası keçirilib

20 fevral 2026-cı il tarixində ADPU-nin nəzdində Azərbaycan Dövlət Pedaqoji Kollecində 2025/2026-cı tədris ili üzrə Pedaqoji Şuranın növbəti iclası keçirilmişdir.
İclas Kollecin direktoru Amalya Sezginin giriş sözü ilə açılmışdır. Direktor Pedaqoji Şura üzvlərini salamlamış və gündəlikdə duran məsələləri iştirakçıların diqqətinə çatdırmışdır.
Gündəliyin birinci məsələsi – “Payız semestrinin yekunlarına aid göstəricilərin təhlili və qiymətləndirilməsi” barədə Kollecin direktoru Amalya Sezgin tərəfindən ətraflı məlumat təqdim olunmuşdur.
Gündəliyin ikinci məsələsi – “2025/2026-cı tədris ilinin birinci yarımilinin yekunları və ikinci yarımillikdə qarşıda duran vəzifələr” barədə Tədris şöbəsinin müdiri Xanımqız Rüstəmova məlumat vermişdir.
Gündəliyin üçüncü məsələsi – “İmtahan Qərargahının hesabatı” İmtahan Qərargahının sədri, KTŞ-nin müdiri Elmira Budaqova tərəfindən təqdim olunmuşdur.
Gündəliyin dördüncü məsələsi – “Kollec tələbələrinin təcrübədə iştirakının təşkili” barədə Təcrübə rəhbəri Gülxara Həmidova məlumat vermişdir.
İclasın sonunda gündəlikdə yer alan cari məsələlər müzakirə olunmuş, geniş fikir mübadiləsi aparılmışdır.

“Azərbaycan müəllimi” qəzetində metodist Simuzər Qafarovanın məqaləsi dərc olunub

“Azərbaycan müəllimi” qəzetində ADPU-nun nəzdində Azərbaycan Dövlət Pedaqoji Kollecinin metodisti Simuzər Qafarovanın “Nəsillərarası müqayisə: mif və elmi reallıq” adlı məqaləsi dərc edilib.
Məqalənin linki:
https://lnkd.in/eYJ3NZn4

Beynəlxalq Ana Dili Günü münasibətilə maarifləndirici tədbir təşkil olunub

ADPU-nun nəzdində Azərbaycan Dövlət Pedaqoji Kollecində Ailə və ev təhsili şöbəsinin təşkilatçılığı ilə 21 Fevral – Beynəlxalq Ana Dili Gününə həsr olunmuş tədbir keçirilib.
Giriş sözü ilə çıxış edən şöbə müdiri, filologiya üzrə fəlsəfə doktoru İradə Babayeva qeyd olunan günün əhəmiyyətindən, Azərbaycan dilinin tarixi inkişaf yolundan, onun qorunması və inkişafı sahəsində Ümummilli Lider Heydər Əliyevin müstəsna xidmətlərindən bəhs edib. Natiq bildirib ki, H.Əliyevin dil siyasəti müasir dövrdə dövlət başçısı İlham Əliyev tərəfindən uğurla davam etdirilir.
AMEA-nın Dilçilik İnstitutunun əməkdaşı dosent Təranə Şükürova təmsil etdiyi qurumda dilçiliklə bağlı aparılan tədqiqatlardan danışaraq, gənc nəslin müasir çağırışlara uyğun dil vərdişlərinə yiyələnməsinin vacibliyini qeyd edib.
Kollecin direktoru Amalya Sezgin tədbirdə iştirak edən qonaqlara təşəkkürünü bildirib, rəhbərlik etdiyi təhsil müəssisəsində Azərbaycan dilinin tədrisinin daim diqqət mərkəzində saxlanıldığını, tələbələrdə ana dilinə sevgi hissinin aşılanması yönündə ardıcıl iş aparıldığını vurğulayıb.
Tədbir Ailə və ev təhsili ixtisası tələbələrinin hazırladığı bədii kompozisiya ilə davam etdirilib. Tələbələr 12 müxtəlif dildə çıxış edərək dillərə olan sevgilərini nümayiş etdiriblər.

Beynəlxalq Ana Dili Gününə həsr olunmuş tədbir keçirilib

ADPU-nun nəzdində Azərbaycan Dövlət Pedaqoji Kollecində Azərbaycan və ədəbiyyat FBK müəllimlərinin təşkilatçılığı, İnklüziv təhsil ixtisası üzrə Beynəlxalq Ana Dili Gününə həsr olunmuş tədbir keçirilib.
Tədbirdə günün mahiyyəti barədə məlumat verilib, ana dilimizin milli kimliyimizdəki rolu vurğulanıb, ədəbiyyat və ictimai xadimlərə bağlı olaraq səsləndirilib. Tələbələr mövzuya həsr olunmuş şeir və mahnılar ifa paket.
Tədbirdə Azərbaycan dilinin qorunması və inkişafında Ümummilli Lider Heydər Əliyevin və Prezident İlham Əliyevin rolu xüsusi qeyd olunub.

İnklüziv təhsil ixtisasının tələbələri Heydər Əliyev Muzeyini ziyarət ediblər

ADPU-nun nəzdində Azərbaycan Dövlət Pedaqoji Kollecinin İnklüziv təhsil ixtisasının tədrisi Pedaqogika-psixologiya fənn birləşməsinin müəllimi ilə birgə Yasamal rayonu Heydər Əliyev Muzeyini təşkil edir.