İnkluziv təhsil tələbələrinin iştirakı ilə şəhərsalma mövzusunda dəyirmi masa keçirildi

28 aprel 2026-cı il tarixində ADPU-nun nəzdində ADPK-nın “Pedaqogika–Psixologiya” FBK-nın fəaliyyət planına uyğun olaraq, fbk müəllimi Rüstəmova Dürrə Ağaisa qızının təşkilatçılığı və kollecin İnkluziv təhsil ixtisasının İT 25/03SB III kurs tələbələrinin iştirakı ilə “Şəhərsalma və Memarlıq ili” çərçivəsində Ümumdünya Məskunlaşma Gününə həsr olunmuş qrupdaxili dəyirmi masa keçirildi.
Tədbirin əsas məqsədi şəhərsalma və memarlıq sahəsində mövcud vəziyyətin müzakirəsi, aktual problemlərin müəyyən edilməsi və gələcək inkişaf perspektivlərinin dəyərləndirilməsi olmuşdur.
Eyni zamanda Ümumdünya Məskunlaşma Gününün əhəmiyyəti vurğulanmış, bu sahədə mövcud çağırışlar və imkanlar ətrafında fikir mübadiləsi aparılmışdır.
Tələbələr tərəfindən Şəhərsalmanın insan həyatına təsiri, Müasir və dayanıqlı şəhərlərin qurulması, Memarlıq irsinin qorunması, Sosial mühit və yaşayış şəraiti, Gənclərin şəhərsalma sahəsində roluna dair maraqlı təqdimatlar dinlənilmiş, mövzu ətrafında fəal müzakirələr keçirilmiş və gələcək inkişaf üçün müxtəlif təkliflər səsləndirilmişdir.
Tədbir iştirakçıların böyük marağı və aktivliyi ilə yadda qalmışdır.

Tələbələr “Memarlıq və Şəhərsalma ili” çərçivəsində İçərişəhər və tarixi abidələrə ekskursiya ediblər

Aprelin 26-da "Memarlıq və Şəhərsalma ili" çərçivəsində ADPU-nun nəzdində Azərbaycan Dövlət Pedaqoji Kollecinin Azərbaycan dili və ədəbiyyat FBK-nın müəllimlərinin təşkilatçılığı, İT 25/02 SB qrupunda təhsil alan tələbələrin iştirakı ilə ekskursiya təşkil edilmişdir.
Səyahət qədim İçərişəhər küçələrindən başlayaraq Şirvanşahlar Sarayı Muzeyi və Qız Qalası ilə davam etdi.
Bu məkanlar şəhərimizin əsrlərdən gələn tarixini və zəngin mədəni irsini əyani şəkildə nümayiş etdirir.
Ekskursiya daha sonra müasir Bakının simvollarından biri olan Bakı Bulvarı boyunca davam edərək Zəfər Parkında tamamlandı.
Burada vətənpərvərlik dəyərləri, milli birlik və tariximizin şanlı səhifələri haqqında ətraflı məlumat verildi.
Ekskursiya boyunca tələbələr qədimlik və müasirliyin harmoniyasını aydın şəkildə hiss etdilər və bu onlarda xüsusi təəssürat yaratdı.
“Memarlıq və Şəhərsalma ili" çərçivəsində təşkil olunan ekskursiyamız iştirakçılar üçün həm maarifləndirici, həm də unudulmaz bir təcrübə olaraq onlarda həm keçmişimizə bağlılıq, həm də müasir inkişafımıza maraq hissini gücləndirmiş oldu.

ADPK müəllimi Vüsalə Kərimova Şuşada keçirilən VI Beynəlxalq Elmi Tədqiqat Konqresində iştirak edib

ADPU-nun nəzdində Azərbaycan Dövlət Pedaqoji Kollecinin müəllimi Vüsalə Kərimova 23–25 aprel tarixlərində Şuşada keçirilən VI Beynəlxalq Elmi Tədqiqat Konqresində iştirak etmişdir.
Tədbir çərçivəsində Vüsalə Kərimova “Rəqəmsal mühitdə dilin ontoloji statusu: fan fiction mühiti kontekstində” mövzusunda məruzə ilə çıxış etmişdir. Məruzədə rəqəmsal mühitdə dilin funksional və ontoloji transformasiyaları, fan fiction mühitinin bu prosesə təsiri, müəlliflik anlayışının yenidən formalaşması və müasir diskursda dilin yeni məzmun qazanması məsələləri elmi əsaslarla təhlil olunmuşdur.
Konqres çərçivəsində təqdim olunan məruzələr iştirakçılar tərəfindən maraqla qarşılanmış, elmi müzakirələr və qarşılıqlı əməkdaşlıq imkanları geniş şəkildə dəyərləndirilmişdir.

Azərbaycan Xalq Cümhuriyyətinin süqutuna həsr olunan “Tariximizin izi” dərnəyi çərçivəsində seminar keçirildi

ADPU-nun nəzdində ADPK-nın Humanitar FBK-nın təşkilatçılığı ilə FBK-nın müəllimi Nəsirova Nərmin tərəfindən “Tariximizin izi” adlı dərnəyin fəaliyyəti çərçivəsində Azərbaycan Xalq Cümhuriyyətinin süqutuna həsr olunmuş tədbir keçirilmişdir.
Tədbir zamanı 1920-ci il 28 aprel tarixində Azərbaycan Xalq Cümhuriyyətinin süqutuna gətirib çıxaran tarixi-siyasi səbəblər, həmin dövrdə ölkədə baş verən mürəkkəb proseslər və müstəqilliyimizin itirilməsinin xalqımızın taleyində yaratdığı ağır nəticələr haqqında geniş məlumat verilmişdir.
Tədbir çərçivəsində tələbələrlə birlikdə “Son iclas” filmi izlənilmiş və filmin müzakirəsi aparılmışdır.
Müzakirə zamanı filmdə əks olunan tarixi hadisələr, AXC dövrünün dövlətçilik ənənələri, milli mübarizə ruhu və istiqlal ideyalarının əhəmiyyəti barədə fikir mübadiləsi aparılmışdır.
Seminar zamanı tələbələrin fəal iştirakı təmin olunmuş, mövzu ətrafında suallar cavablandırılmış və tarixi faktlar əsasında geniş diskussiya keçirilmişdir.
Tədbir tələbələrdə milli dövlətçilik düşüncəsinin möhkəmləndirilməsi, tarixi yaddaşın qorunması və vətənpərvərlik ruhunun yüksəldilməsi baxımından mühüm əhəmiyyət kəsb etmişdir.

“Conversation Club” çərçivəsində “Planning a Project with Groupmates” mövzusunda növbəti görüş keçirilib

ADPU-nun nəzdində Azərbaycan Dövlət Pedaqoji Kollecinin xarici dil müəllimi Hüseynova Günelin təşkilatçılığı ilə “Conversation Club” çərçivəsində növbəti görüş uğurla keçirilmişdir.
Bu dəfəki görüş “Planning a Project with Groupmates” mövzusuna həsr olunmuşdur.
Görüş zamanı tələbələr qrup daxilində səmərəli əməkdaşlığın qurulması, layihələrin düzgün planlaşdırılması və vaxtın idarə olunması kimi mühüm bacarıqlar ətrafında müzakirələr aparmışlar.
İnteraktiv fəaliyyətlər və fikir mübadiləsi nəticəsində iştirakçılar həm ingilis dili biliklərini təkmilləşdirmiş, həm də komanda işi sahəsində praktik təcrübə qazanmışlar.
Görüş müddətində tələbələrin fəal iştirakı və maraqlı müzakirələri xüsusi diqqət cəlb etmişdir.
“Conversation Club” görüşləri tələbələrin ünsiyyət bacarıqlarının inkişaf etdirilməsinə, eləcə də real həyat mövzuları üzərində düşünmə və fikir mübadiləsi aparma vərdişlərinin formalaşdırılmasına geniş imkan yaradır.
Növbəti görüşlərdə yenidən bir araya gəlmək ümidi ilə.