Amalya Sezgin “Elm Günləri” çərçivəsində plenar sessiyada iştirak edib

ADPU-nun nəzdində Azərbaycan Dövlət Pedaqoji Kollecinin direktoru Amalya Sezgin 2 aprel tarixində Azərbaycan Dövlət İqtisad Universitetində (UNEC) keçirilən “Elm Günləri” (1-3 aprel) çərçivəsində “Prezident İlham Əliyevin dil siyasəti: Azərbaycan dili milli kimliyin, elmi düşüncənin və müasir inkişafın dayağı kimi” mövzusunda plenar sessiyada iştirak edib.
Tədbirdə UNEC rektoru, professor Ədalət Muradov, akademik Nizami Cəfərov, bir sıra ali və orta ixtisas təhsili müəssisələrinin dilçilik üzrə mütəxəssisləri iştirak ediblər.
Dil siyasəti ilə bağlı akademik Nizami Cəfərov dövlət başçısının Azərbaycan dilinin dövlət dili kimi mövqeyinin möhkəmləndirilməsi, onun beynəlxalq səviyyədə tanıdılması və inkişafı istiqamətində həyata keçirdiyi islahatlara diqqət çəkib. O, ölkə başçısının “Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” Fərmanını milli dilin inkişafında mühüm addım kimi qiymətləndirib.
Tədbirdə mövzu ilə bağlı müzakirələr aparılıb. Ali təhsil müəssisələrində Azərbaycan dili kafedralarının yenidən təşkili, xarici dillərdən tərcümənin keyfiyyəti və s. məsələlərlə bağlı təkliflər səsləndirilib.
 

“Təsviri sənətdə şəhər mövzusu”na həsr olunmuş seminar keçirilmişdir

ADPU-nun nəzdində Azərbaycan Dövlət Pedaqoji Kollecinin İncəsənət və fiziki tərbiyə FBK müəlliminin təşkilatçılığı ilə 2026-cı ilin “Şəhərsalma və Memarlıq ili” çərçivəsində “Təsviri sənətdə şəhər mövzusu”na həsr olunmuş elmi-metodiki seminar keçirilib.
Seminarda təsviri sənətdə şəhər mövzusunun bədii-estetik ifadə imkanları, urbanistik motivlərin sənətdə təzahür formaları və bu istiqamətdə müasir yaradıcı yanaşmalar elmi-nəzəri aspektdə təhlil olunub.
Seminar çərçivəsində mövzu ətrafında müzakirələr aparılıb, müxtəlif bədii nümunələr əsasında təqdimatlar təqdim olunub, eyni zamanda tələbələr öz çəkdikləri rəsmləri nümayiş etdiriblər.

Beynəlxalq Autizm Günü münasibətilə maarifləndirici görüşlər keçirilmişdir

ADPU-nun nəzdində Azərbaycan Dövlət Pedaqoji Kollecinin Sabunçu korpusunda 2 aprel 2026-cı il tarixində Beynəlxalq Autizm Günü münasibətilə müxtəlif qruplarla kollecin psixoloqu Ayten Orucova tərəfindən maarifləndirici görüşlər təşkil olunub.
Autizm xəstəlik deyil, fərqli neyroinkişaf xüsusiyyətidir. Bu günün əsas məqsədi autizm spektrində olan fərdlərin daha düzgün anlaşılması, onların cəmiyyətə inteqrasiyasının dəstəklənməsi və inklüziv düşüncə tərzinin formalaşdırılmasıdır.
Unutmayaq ki, fərqliliklərin qəbul edilməsi sağlam və inklüziv cəmiyyətin əsas göstəricilərindən biridir.

Aprel döyüşlərinə həsr olunmuş dərslər təşkil olunub

ADPU-nun nəzdində Azərbaycan Dövlət Pedaqoji Kollecinin Humanitar FBK-nın müəllimləri tərəfindən 2 aprel 2026-cı il tarixində Aprel döyüşlərinə həsr olunmuş dərslər təşkil olunub.
Dərslər zamanı 2016-cı ilin Aprel döyüşlərinin hərbi-siyasi əhəmiyyəti, Azərbaycan Ordusunun göstərdiyi qəhrəmanlıq nümunələri və əldə olunan uğurlar barədə ətraflı məlumat verilib. Müəllimlər çıxışlarında vurğulayıblar ki, bu döyüşlər Azərbaycan xalqının gücünü, birliyini və torpaqlarımızın azadlığı uğrunda qətiyyətini bir daha nümayiş etdirib.
Eyni zamanda, tələbələrin mövzu ilə bağlı hazırladıqları çıxışlar dinlənilib, qəhrəman şəhidlərimizin şücaəti, ordumuzun yüksək peşəkarlığı və xalq–ordu birliyi xüsusi qeyd olunub. Qeyd edilib ki, Aprel döyüşləri gənc nəsildə vətənpərvərlik hisslərinin formalaşmasına mühüm təsir göstərir.
Ümumilikdə, keçirilən dərslər tələbələrdə milli ruhun yüksəldilməsinə və tarixi yaddaşın qorunmasına əhəmiyyətli töhfə verib.

TGT sədr seçkisi prosesi həyata keçirilir

ADPU-nun nəzdində Azərbaycan Dövlət Pedaqoji Kollecinin Tələbə Gənclər Təşkilatında sədr vəzifəsi üzrə seçki prosesində müdafiə edən Musayeva Zəhra Daşqın qızı ilk addımı uğurla başa vurmuşdur.

3 aprel tarixində saat 10:00–18:00 aralığında təşkil edilən səsvermə təşkilatın yeni proqram təminatıdır.

Səsvermədə iştirak etmək üçün:

https://forms.gle/4U6YSe7gUFZ11Z4F7

Namizədə uğurlar arzu edirik.