“Ədalət” qəzetində Sevda Axundovanın Novruzla bağlı məqaləsi dərc olunub

"Ədalət" qəzetində ADPU-nun nəzdində Azərbaycan Dövlət Pedaqoji Kollecinin Sosial məsələlər və ictimaiyyətlə əlaqələr üzrə direktor müavini Sevda Axundovanın “Bəşəri dəyərə çevrilən milli bayram - Novruz” adlı məqaləsi dərc olunub.
Məqalədə Novruz bayramının tarixi kökləri, fəlsəfi mahiyyəti və Azərbaycan xalqının milli-mənəvi dəyərlərindəki rolu izah olunur. Bayramın həm təbiətin oyanışı, həm də insanlar arasında birlik, həmrəylik və yenilənmə rəmzi olduğu vurğulanır. Eyni zamanda Novruzun bəşəri dəyərə çevrilərək dünya miqyasında tanınmasından bəhs edilir.

“Təbiəti sevənlər klubu”nda Novruz ənənələri yaşadılıb

ADPU-nun nəzdində Azərbaycan Dövlət Pedaqoji Kollecinin “Təbiəti sevənlər klubu”nun üzvləri tərəfindən növbəti yaradıcılıq fəaliyyəti həyata keçirilib.
Klubun rəhbəri Vüsalə Sadıqovanın təşkilatçılığı, DTS 25/01 və Rəng 25/01 SB qrup tələbələrinin iştirakı ilə Novruz bayramı münasibətilə tədbir təşkil olunub. Tədbir çərçivəsində ənənəvi olaraq yumurtalar boyanıb.
Tələbələr bu prosesdə fəal iştirak etməklə milli adət-ənənələrimizi daha yaxından öyrənib, eyni zamanda yaradıcılıq bacarıqlarını nümayiş etdiriblər.

“Novruz sevincini balacalarla birlikdə yaşayaq!” adlı şənlik təşkil olunub

ADPU-nun nəzdində Azərbaycan Dövlət Pedaqoji Kollecinin Məktəbəqədər təhsil ixtisası tələbələrinin və metodist müəllimlərin təşəbbüsü, pedaqoji təcrübə keçən tələbələrin iştirakı ilə Novruz bayramına həsr olunmuş “Novruz sevincini balacalarla birlikdə yaşayaq!” adlı rəngarəng şənlik tədbiri təşkil olunub.
Tədbir zamanı tələbələr milli adət-ənənələrimizi əks etdirən səhnəciklər göstərib, bayram mahnıları ifa edib və maraqlı oyunlar təqdim ediblər. Mehdi obrazının çıxışı isə qonaqlar tərəfindən xüsusi maraqla qarşılanıb.
Tələbələrin hazırladıqları proqram uşaqların yaradıcılıq qabiliyyətlərinin inkişafına, kollektivdə ünsiyyət bacarıqlarının möhkəmlənməsinə və milli-mənəvi dəyərlərimizin aşılanmasına töhfə verib.
Novruz bayramı hər bir evə bolluq, ruzi və xoşbəxtlik gətirsin!

Sevda Axundovanın “Novruz tonqallarının işığında” məqaləsi dərc olunub

"Azərbaycan" qəzetində ADPU-nun nəzdində Azərbaycan Dövlət Pedaqoji Kollecinin Sosial məsələlər və ictimaiyyətlə əlaqələr üzrə direktor müavini Sevda Axundovanın “Novruz tonqallarının işığında” adlı məqaləsi dərc olunub.
Məqalədə Novruz bayramının mahiyyəti, tarixi və Azərbaycan xalqının həyatındakı rolu geniş şəkildə izah edilir. Qeyd olunur ki, Novruz yalnız baharın gəlişi deyil, eyni zamanda təbiətin oyanışını və insanın mənəvi yenilənməsini ifadə edən dərin fəlsəfi məna daşıyır. Bununla yanaşı, su, od, yel və torpaq çərşənbələrinin rəmzi məzmunu, xalqın zəngin adət-ənənələri və inancları diqqətə çatdırılır. Məqalədə həmçinin Novruzun sovet dövründə qadağan olunmasına baxmayaraq qorunub saxlanıldığı, sonradan isə yenidən bərpa edilərək bu gün milli birlik və həmrəyliyin əsas rəmzlərindən birinə çevrildiyi vurğulanır.
https://shorturl.at/NLFqt
 

“Uşaqlarda emosional inkişaf və duyğuların tanınması” mövzusunda interaktiv müzakirə keçirilib

ADPU-nun nəzdində Azərbaycan Dövlət Pedaqoji Kollecinin Pedaqogika–psixologiya FBK müəlliminin təşkilatçılığı və Məktəbəqədər təhsil ixtisası tələbələrinin iştirakı ilə “Uşaqlarda emosional inkişaf və duyğuların tanınması” mövzusunda interaktiv müzakirə keçirilib.
Tələbələrin fəallığı ilə keçən müzakirələrdə müxtəlif situasiyalar yaradılmış, maraqlı faktlar səsləndirilmiş və tapşırıqlar yerinə yetirilmişdir.
İnteraktiv müzakirənin məqsədi tələbələrə emosional inkişaf haqqında bilik vermək, uşaqların emosiyalarını tanıma bacarığını artırmaq, həmçinin gələcək peşə fəaliyyətlərində empatiya və düzgün pedaqoji yanaşma formalaşdırmaq olub.