“English Skills Development Club”un növbəti görüşü keçirilib

ADPU-nun nəzdində Azərbaycan Dövlət Pedaqoji Kollecinin Xarici dillər FBK-nın təşkilatçılığı ilə fəaliyyət göstərən “English Skills Development Club”-un növbəti görüşü interaktiv formatda keçirilib.
Görüş zamanı ədəbiyyatdan seçilmiş mətnlər oxunub, “My Favorite Story” mövzusunda müzakirələr aparılıb, tələbələr ingiliscə danışıq bacarıqlarını inkişaf etdiriblər. Qrammatik hissədə "Future Simple" zamanı izah olunub, “My Future Plans” mövzusunda esse yazmaqla biliklər praktik şəkildə tətbiq edilib.
İnteraktiv mühitdə keçən görüş tələbələrin oxu, danışıq və yazı bacarıqlarının inkişafına töhfə verib. Klubun növbəti görüşlərində iştirak etmək istəyən tələbələri bizə qoşulmağa dəvət edirik.

“Təbiəti sevək – bir gül ək, həyat canlansın” layihəsi həyata keçirilib

ADPU-nun nəzdində Azərbaycan Dövlət Pedaqoji Kollecinin Təbiət elmləri fənn birləşmə komissiyasının təşkilatçılığı ilə “Təbiəti sevənlər” klubunun üzvləri tərəfindən “Təbiəti sevək – bir gül ək, həyat canlansın” adlı layihə həyata keçirilib.
Layihə çərçivəsində tələbələrin iştirakı ilə müxtəlif otaq bitkiləri əkilib.
Təşəbbüsün məqsədi gənclərdə təbiətə sevgi və ekoloji məsuliyyət hissini artırmaq olub.

“Rəqəmsal bacarıqlar” klubunun “Excel ilə məlumat analizi” görüşü keçirilib

ADPU-nun nəzdində Azərbaycan Dövlət Pedaqoji Kollecinin Riyaziyyat-informatika fənn birləşməsinin təşkilatçılığı ilə “Rəqəmsal bacarıqlar” klubunun “Excel ilə məlumat analizi” mövzusunda növbəti görüşü keçirilib.
Görüşdə tələbələr Excel proqramında məlumatların çeşidlənməsi və süzgəcdən keçirilməsi, şərti formatlama, əsas və şərtə bağlı funksiyalar, VLOOKUP, Pivot cədvəllər, Power Query, qrafiklərin düzgün seçimi və məlumatların analizi ilə praktiki şəkildə tanış olublar.
Təlim tələbələrin rəqəmsal bacarıqlarının və analitik düşünmə qabiliyyətinin inkişafına töhfə verib.

“Conversation Club”: Xaricdə təhsil mövzusunda görüş

ADPU-nun nəzdində Azərbaycan Dövlət Pedaqoji Kollecinin Xarici dillər FBK-nın təşkilatçılığı ilə “Conversation Club” çərçivəsində tələbələrin danışıq və analitik düşünmə bacarıqlarını inkişaf etdirməyə yönəlmiş növbəti görüş keçirilmişdir.
Tədbirin budəfəki mövzusu “Studying Abroad: Advantages and Disadvantages” olmuşdur.
Görüş zamanı tələbələr xaricdə təhsilin üstün və mənfi cəhətləri barədə ingilis dilində fikir mübadiləsi aparmış, öz arqumentlərini təqdim etmişlər. Qrup müzakirələri və dialoqlar vasitəsilə onların müqayisə aparma, səbəb-nəticə əlaqələrini izah etmə və fikirlərini aydın ifadə etmə bacarıqları daha da təkmilləşdirilmişdir. Vizual materiallardan istifadə müzakirələrin daha praktik və maraqlı keçməsinə şərait yaratmışdır.
Müzakirələrdə beynəlxalq təcrübə, dil bacarıqlarının inkişafı və mədəni müxtəliflik xaricdə təhsilin üstün cəhətləri kimi vurğulanmış, uyğunlaşma çətinlikləri, maddi xərclər və ailədən uzaq qalmaq isə mənfi tərəflər kimi qeyd edilmişdir.
Klub çərçivəsində xaricdə təhsil alan tələbə ilə canlı onlayn görüş təşkil olunmuşdur. O, şəxsi təcrübəsini bölüşərək mövzunun real aspektlərini iştirakçılara çatdırmışdır.
İngilis dilində sərbəst danışıq bacarığınızı inkişaf etdirmək və maraqlı mövzular ətrafında müzakirələrdə iştirak etmək üçün “Conversation Club” görüşlərini qaçırmayın!

İqlim dəyişikliyinə qarşı “Yaşıl gələcək” təşəbbüsü həyata keçirilib

ADPU-nun nəzdində Azərbaycan Dövlət Pedaqoji Kollecinin Pedaqogika-psixologiya FBK müəlliminin təşkilatçılığı və Məktəbəqədər təhsil ixtisası tələbələrinin iştirakı ilə iqlim dəyişikliyinin qarşısının alınmasına yönəlmiş növbəti təşəbbüs həyata keçirilib.
Tədbir çərçivəsində yaşıllığın artırılması və havanın oksigenlə zənginləşdirilməsi məqsədilə kollecin Yasamal korpusunda abadlıq və yaşıllaşdırma işləri aparılıb, tələbələr “yaşıl gələcək” naminə təşəbbüs göstərərək kollecin ərazisinə yeni nəfəs və yeni rəng qatıblar.