“Sağlam həyat tərzi: ağıl və bədənin sülhü” mövzusunda maarifləndirici tədbir keçirilib

ADPU-nun nəzdində Azərbaycan Dövlət Pedaqoji Kollecinin Sosial məsələlər və ictimaiyyətlə əlaqələr üzrə direktor müavininin tabeliyində olan mütəxəssislərin iştirakı ilə BMT-nin 17 maddədən ibarət Dayanıqlı İnkişaf Məqsədlərinin 3-cü (Yaxşı səhiyyə və rifah) və 11-ci (Dayanıqlı şəhər və icmalar) bəndlərinə uyğun olaraq “Sağlam həyat tərzi: ağıl və bədənin sülhü” mövzusunda maarifləndirici tədbir keçirilib.
Tədbir çərçivəsində kollecin psixoloqu, tibb bacısı, kitabxana əməkdaşı, SMM mütəxəssisi və laborantı öz vəzifə səlahiyyətlərinə uyğun olaraq sağlam həyat tərzi mövzusunda çıxışlar ediblər. Çıxışlarda fiziki və psixoloji sağlamlığın qorunması, düzgün qidalanma, informasiya savadlılığı, sosial rifah və sağlam mühitin formalaşdırılmasının əhəmiyyəti vurğulanıb.
Tədbirin məqsədi fərdi və icma səviyyəsində sağlam həyat tərzinə keçidin vacibliyini diqqətə çatdırmaq, iştirakçılarda sağlam düşüncə və rifah yönümlü davranışların formalaşmasına töhfə vermək olub.

Tələbələr üçün “İnsan alverinə qarşı mübarizə” təlimi keçirilib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İnsan Alveri Qurbanlarına Yardım Mərkəzi ADPU-nun nəzdində Azərbaycan Dövlət Pedaqoji Kolleci ilə birgə tələbələr üçün “İnsan alverinə qarşı mübarizə” mövzusunda təlim keçirib.
Təlimdə Sosial Xidmətlər Agentliyinin əməkdaşları və kollec nümayəndələri iştirak ediblər. Mütəxəssislər çıxışlarında insan alveri anlayışı, onun formaları, eləcə də qurbanlara göstərilən sosial-psixoloji və reabilitasiya xidmətləri barədə ətraflı məlumat veriblər. Bildirilib ki, məlumat çatışmazlığı gənclərin bu risklə üzləşmə ehtimalını artırır. Ona görə də bu tipli təlim və tədbirlərin mütəmadi olaraq keçirilməsi zəruridir.

AMEA-nın 80 illik yubileyinə həsr olunmuş dəyirmi masa keçirilib

15 dekabr 2025-ci il tarixində ADPU-nun nəzdində Azərbaycan Dövlət Pedaqoji Kollecinin Yasamal korpusunda "AMEA-nın 80 illik yubiley tədbirində Azərbaycan Respublikasının Prezidenti İlham Əliyevin çıxışı və qarşıda duran vəzifələr” mövzusunda dəyirmi masa keçirilmişdir.
Tədbiri Azərbaycan dili və ədəbiyyat fənn birləşməsinin sədri f.ü.f.d. Vəfa Yunusova açmışdır. Kollecin direktoru Amalya Sezgin çıxış edərək mövzunun aktuallığını vurğulamış və kollektiv qarşısında qoyulan vəzifələrdən danışmışdır.
Kollecin Azərbaycan dili və ədəbiyyat FBK müəllimi Sədaqət Əsgərovanın çıxışından sonra AMEA-nın Nəsimi adına Dilçilik İnstitutunun şöbə müdiri f.ü.f.d., dosent Xədicə Heydərova "Azərbaycan dilinin saflığının qorunması, milli-mənəvi kimliyin əsası", Tarix və Etnologiya İnstitutunun şöbə müdiri prof. Cəbi Bəhramov "Azərbaycan tarixinin tədqiqi və təbliğində yeni mərhələ: Qərbi Azərbaycana qayıdış" mövzularında məruzə etmişlər.
Kollecin müəllimləri mövzu ətrafında fikirlərini bildirmiş, tələbələrin ifasında Tofiq Bayramın “Ana dili” şeirinin səsləndirilməsi isə tədbirə xüsusi rəng qatmışdır.

“Humanizm” sosial iş klubunun fəaliyyəti uğurla davam edir

ADPU-nun nəzdində Azərbaycan Dövlət Pedaqoji Kollecində “Humanizm” sosial iş klubunun fəaliyyəti uğurla davam edir.
Klubda Sosial iş ixtisası tələbələrinin təşkilatçılığı ilə müxtəlif vaxtlarda “Maslovun ehtiyaclar piramidası” və “Müasir cəmiyyətdə ailə anlayışının rolu” mövzularında maarifləndirici müzakirələr təşkil olunmuş, iştirakçılar arasında fəal fikir mübadiləsi aparılmışdır. Hər iki tədbirdə mövzuların daha yaxşı mənimsənilməsi məqsədilə müxtəlif interaktiv oyun və üsullardan istifadə edilmişdir.
Klubun bu tipli tədbirləri tələbələrin düşünmə, ünsiyyət və təhlil bacarıqlarının inkişafına müəyyən töhfə verir.

Klassik rus ədəbiyyatına həsr olunmuş dəyirmi masa keçirilib

ADPU-nun nəzdində Azərbaycan Dövlət Pedaqoji Kollecində Xarici dillər FBK müəlliminin təşkilatçılığı və Məktəbəqədər təhsil şöbəsi fəaliyyətində klassik rus ədəbiyyatına həsr olunmuş «Кавказ глазами А. S. Puşkina və M. Ю. Лермонтова» şəxsdən dəyirmi masaya qoyuldu.
XIX əsr rus ədəbiyyatında Qafqaz mövzusunun bədii təqdimatını araşdırmaq, Puşkin və Lermontovun yaradıcılıq üslublarını yaratmaq olub. Müzakirələr zamanı Qafqazın təsviri, milli təbiətin bədii əksi,-mədəni xüsusiyyətləri və insan obrazları təhlil edilib.