“Təbiəti sevənlər” klubunda maarifləndirici fəaliyyət həyata keçirilib

Tələbələrdə təbiətə və coğrafiyaya marağın artırılması məqsədilə müxtəlif tədris-əyani vəsaitlər hazırlanıb. Tələbələr tullantı kağızlardan və sulu boyalardan istifadə etməklə Azərbaycanın relyefini əks etdirən xəritə-maket tərtib edib, eyni zamanda Günəş sistemi və planetləri təsvir edən vizual materiallar hazırlayıblar.

Həyata keçirilən bu fəaliyyətlər tələbələrin yaradıcılıq potensialının inkişafına, eləcə də təbiət və coğrafiya sahəsində nəzəri biliklərinin möhkəmləndirilməsinə və praktik bacarıqlarının formalaşmasına müsbət təsir göstərib. Klub üzvləri gələcəkdə də təbiətin mühafizəsi və öyrənilməsi istiqamətində sistemli fəaliyyətlərin davam etdirilməsini planlaşdırır.