“Stres və emosiyaların idarə edilməsi” mövzusunda interaktiv müzakirə keçirilib

ADPU-nun nəzdində Azərbaycan Dövlət Pedaqoji Kollecində Pedagogika-psixologiya fənn birləşməsi müəllimləri və Məktəbəqədər təhsil ixtisası tələbələrinin iştirakı ilə “Stres və emosiyaların idarə edilməsi” mövzusunda interaktiv müzakirə keçirilib.
Görüşdə gündəlik həyatda rast gəlinən stres mənbələri, onların psixoloji təsirləri və emosiyaların idarə olunması yolları barədə fikir mübadiləsi aparılıb. İştirakçılar qruplarla situasiya tapşırıqları həll edib və şəxsi təcrübələrini bölüşüblər.
Sonda stresin azaldılması üçün gündəlik tətbiq edilə biləcək metodlar təqdim olunub.

“English Skills Development Club”ın növbəti görüşü keçirilib

ADPU-nun nəzdində Azərbaycan Dövlət Pedaqoji Kollecinin Xarici dillər fənn birləşmə komissiyasının təşkilatçılığı ilə “English Skills Development Club” çərçivəsində tələbələrin yazı və qrammatika bacarıqlarını inkişaf etdirməyə yönəlmiş növbəti görüş keçirilib.
Bu məşğələdə tələbələr "Past Simple" zamanının tətbiqi və qısa, məzmunlu məktub yazma texnikası ilə tanış olublar. Onlar qrammatik qaydaları nümunələr üzərində tətbiq etməklə müxtəlif situasiyalar üçün məktublar hazırlayaraq qrup müzakirələrində təqdim ediblər. Sessiya dinamik keçib, iştirakçıların yazılı ifadə və qrammatik dəqiqlik bacarıqlarını gücləndirib.
Əziz tələbələr, sizi növbəti “English Skills Development Club” görüşünə dəvət edirik! İngilis dilində yazı və qrammatika bacarıqlarınızı təkmilləşdirmək, interaktiv tapşırıqlarla özünüzü sınamaq istəyirsinizsə, qarşıdakı məşğələləri qaçırmayın!

“Süni intellekt müəllimi əvəz edə bilərmi?” mövzusunda debat keçirilib

ADPU-nun nəzdində Azərbaycan Dövlət Pedaqoji Kollecinin Riyaziyyat-informatika fənn birləşmə komissiyası “Süni intellekt müəllimi əvəz edə bilərmi?” başqa müzakirə təşkil edib.
tədbirin qurulması, analitik düşünmə arqumentasiya, müzakirə və təqdimat bacarıqlarını inkişaf edib. Komandalar mövzularına dair fərqli yanaşmalarını əsaslandıraraq fəal, yaradıcı və maraqlı çıxışlar mümkündür. Debat yüksək dinamika və iqtisadi əlaqələr keçib.

“Humayun” İctimai Birliyi ilə əməkdaşlıq görüşü keçirilib

ADPU-nun nəzdində Azərbaycan Dövlət Pedaqoji Kollecində “Humayun” Sosial Problemlərin Həllinə Kömək İctimai Birliyinin nümayəndələri ilə görüş keçirilib.
Görüş zamanı tərəflər arasında əməkdaşlıq imkanları müzakirə olunub və gələcəkdə bununla bağlı memorandumun imzalanması barədə ilkin razılıq əldə edilib.

Humeyrə Nadirinin məqaləsi dərc olunub

"Qədim diyar" jurnalında ADPU-nun nəzdində Azərbaycan Dövlət Pedaqoji Kollecinin Humanitar FBK müəllimi Humeyrə Nadirinin "Azərbaycan Respublikasında "Konstitusiya və Suverenlik İli" adlı məqaləsi dərc olunub.
Məqalədə Konstitusiyanın dövlətçiliyimizin əsasını formalaşdırması, suverenliklə sıx bağlılığı və müstəqilliyimizin hüquqi təməli olduğu vurğulanır. 1995-ci ildə qəbul edilmiş Konstitusiyanın bu əsasları daha da möhkəmləndirdiyi xüsusi qeyd edilir. Bildirilir ki, 2025-ci ilin “Konstitusiya və Suverenlik İli” elan olunması Əsas Qanunun qəbulunun 30-cu, Vətən müharibəsindəki möhtəşəm qələbənin isə 5-ci ildönümünün tamam olması ilə əlaqədardır.