“Beyin-Hədəfli Tədris Modeli” mövzusunda ikinci təlim keçirildi

Aprelin 13-də ADPU-nun nəzdində Azərbaycan Dövlət Pedaqoji Kollecində müəllimlərin peşəkar inkişafı proqramı çərçivəsində “Beyin-Hədəfli Tədris (Öyrətmə) Modeli” mövzusunda ikinci təlimi uğurla həyata keçirildi.

Tələbələr üçün “Öyrənməyin yeni nəbzi” mövzusunda təlim keçiriləcək

Hörmətli tələbələr,
Sizi 15.04.2026-cı il saat 11:00-da Yasamal korpusunun akt zalında Hədəf Şirkətlər Qrupu tərəfindən təşkil olunan “Öyrənməyin yeni nəbzi” mövzusunda keçiriləcək təlimə dəvət edirik.
Bu təlim sizə müasir öyrənmə yanaşmaları ilə tanış olmaq, bilik və bacarıqlarınızı inkişaf etdirmək, yeni perspektivlər qazanmaq üçün dəyərli imkan yaradacaq.
Gələcəyinizə investisiya etmək və öz inkişafınıza yeni bir addım atmaq üçün bu imkanı qaçırmayın!
Sizin iştirakınız bizim üçün çox önəmlidir.

Tələbələr üçün Canva proqramı üzrə praktiki təlim təşkil olunub

ADPU-nun nəzdində Azərbaycan Dövlət Pedaqoji Kollecinin Riyaziyyat-informatika fənn birləşməsinin təşkilatçılığı ilə “Rəqəmsal bacarıqlar” klubunun “Canva ilə vizual layihələrin hazırlanması” mövzusunda növbəti görüşü keçirilib.
Görüş zamanı tələbələr Canva proqramında vizual layihələrin hazırlanması, şablonlardan istifadə, mətn və qrafik elementlərin əlavə edilməsi, dizaynın tənzimlənməsi və hazır işlərin təqdim olunması ilə praktiki şəkildə tanış olublar.
Təlim çərçivəsində tələbələr tərəfindən müxtəlif təqdimat slaydları və vizual layihələr hazırlanıb.
Təlim tələbələrin rəqəmsal bacarıqlarının və yaradıcı düşünmə qabiliyyətinin inkişafına töhfə verib.
 

“Şəhərsalma və Memarlıq İli” çərçivəsində İsmayıllıya maarifləndirici səfər təşkil olunub

ADPU-nun nəzdində Azərbaycan Dövlət Pedaqoji Kollecinin əməkdaşları “Şəhərsalma və Memarlıq İli” çərçivəsində Azərbaycanın füsunkar guşələrindən olan İsmayıllı rayonunun Lahıc qəsəbəsinə səfər edib.
Səfər zamanı əməkdaşlar bölgənin təbii gözəllikləri ilə yaxından tanış olub, ətraf mühitin qorunması, ekoloji təmizliyin vacibliyi və bu istiqamətdə görülən işlər barədə fikir mübadiləsi aparıb. Həmçinin təbiətin mühafizəsinə diqqət çəkmək məqsədilə simvolik ekoloji təşəbbüslər həyata keçirilib.
Səfər çərçivəsində yaradıcı fəaliyyət də təşkil olunub. Belə ki, əməkdaşlar arasında “Bulud üzərində boya ilə işləmə” mövzusunda maraqlı müsabiqə keçirilib. Müsabiqə iştirakçıların yaradıcılıq bacarıqlarının üzə çıxarılmasına və onların asudə vaxtının səmərəli təşkilinə xidmət edib.

“Beyin-Hədəfli Tədris Modeli” mövzusunda ilk təlimə start verilib

Aprelin 10-da ADPU-nun nəzdində Azərbaycan Dövlət Pedaqoji Kollecində müəllimlərin peşəkar inkişafı proqramı çərçivəsində “Beyin-Hədəfli Tədris (Öyrətmə) Modeli” mövzusunda birinci təlimə start verildi.
Təlim kollecin direktoru Amalya Sezgin tərəfindən keçirilib. Nəzərdə tutulmuş təlimlər 10-29 aprel tarixləri ərzində kollecin həm Yasamal, həm də Sabunçu tədris korpuslarında təşkil olunacaqdır.
Təlimin ilk günündə “Beyin-Hədəfli Tədrisin 1-ci Modeli - Emosional mühitin yaradılması” təqdim olunmuşdur.
Təlim zamanı emosional mühitin öyrənmə prosesində rolu və onun şagirdlərin motivasiyası, diqqəti və ümumi nailiyyətlərinə təsiri ətraflı şəkildə izah edilmişdir.
Sessiya interaktiv formada təşkil olunmuş, müəllimlər müxtəlif praktik tapşırıqlar yerinə yetirmiş, təqdim olunan suallar ətrafında müzakirələr aparmış və öz təcrübələrini bölüşmüşlər.
Təlim iştirakçıların fəal iştirakı ilə keçmiş, sinifdə müsbət və dəstəkləyici emosional iqlimin yaradılması yolları üzərində birgə fikir mübadiləsi aparılmışdır.