“Empatiya və qarşılıqlı anlama” mövzusunda dəyirmi masa keçirilib

ADPU-nun nəzdində Azərbaycan Dövlət Pedaqoji Kollecinin Yasamal korpusunda "Dəyişən Düşüncə" Psixologiya Klubu çərçivəsində “Empatiya və qarşılıqlı anlama” mövzusunda dəyirmi masa keçirilib.
Tədbirin məqsədi gənclərdə emosional savadlılıq və qarşılıqlı anlama mədəniyyətini inkişaf etdirmək olub. Tələbələr real situasiyalar və interaktiv tapşırıqlar vasitəsilə empatiyanın münasibətlərdə necə dəyişdirici gücə malik olduğunu praktiki olaraq hiss ediblər.
Sonda iştirakçılar empatiyanın cəmiyyətdə harmoniya yaradan əsas bacarıq olduğunu, qarşılıqlı anlamanın isə sağlam ünsiyyətin vacib şərti olduğunu vurğulayıblar.

Beynəlxalq Əlillər Günü münasibətilə uşaqlara dəstək ziyarəti həyata keçirilib

3 Dekabr – Beynəlxalq Əlillər Günü münasibətilə ADPU-nun nəzdində Azərbaycan Dövlət Pedaqoji Kollecinin inzibati heyəti və tələbələri Sosial Xidmətlər Agentliyinin tabeliyində fəaliyyət göstərən, əlilliyi müəyyən edilmiş 18 yaşadək şəxslər üçün sosial xidmət müəssisəsini ziyarət ediblər.
Məqsəd xüsusi qayğıya ehtiyacı olan uşaqlara diqqət və dəstək göstərmək, onların sosial həyata inteqrasiyasına töhfə vermək olub.

Pedaqogika müəllimləri müxtəlif ixtisas qruplarında xüsusi mövzu dərsləri keçiriblər

ADPU-nun nəzdində Azərbaycan Dövlət Pedaqoji Kollecinin Pedaqogika-psixologiya fənn birləşmə komissiyasının təşkilatçılığı ilə FBK-nın fəaliyyət planı çərçivəsində pedaqogika müəllimləri tərəfindən 12–28 noyabr tarixlərində "Pedaqogika" fənninin tədris olunduğu İT, MQT, AET və FTM ixtisaslarının müxtəlif qruplarında “Tərbiyənin tərkib hissələri” mövzusunda iqlim dəyişikliyinə, "Konstitusiya və Suverenlik İli"nə həsr olunmuş xüsusi dərslər keçirilmişdir.
Qrupdaxili müzakirə şəklində təşkil olunan dərslərin keçirilməsində məqsəd tələbələrdə Konstitusiyanın mahiyyəti, suverenlik anlayışı, vətəndaş hüquqları haqqında sərbəst tədqiqatçılıq bacarığını təkmilləşdirmək, hüquqlarını bilən sağlam vətəndaş mövqeyi formalaşdırmaq, ekoloji məsuliyyət hissi aşılamaq, eləcə də tənqidi və yaradıcı düşüncəni inkişaf etdirmək olmuşdur.

Kollecin əməkdaşları Lənkəran–Masallı bölgəsinə maarifləndirici səfər ediblər

ADPU-nun nəzdində Azərbaycan Dövlət Pedaqoji Kollecinin bir qrup əməkdaşı Lənkəran–Masallı bölgəsinə səfər edib.
İşçilərin emosional rifahı və motivasiyasını artırmaq məqsədilə təşkil olunan səfər çərçivəsində interaktiv görüş də keçirilib. Kollecin Sosial məsələlər və ictimaiyyətlə əlaqələr üzrə direktor müavini Sevda Axundova və psixoloq Gülsüm Bayramın təşkilatçılığı ilə baş tutan görüşdə əməkdaşlar bir neçə qrupa bölünərək BMT-nin Dayanıqlı İnkişaf Məqsədlərinin bəndləri olan "Dəniz ekosisteminin mühafizəsi", "Təmiz su və sanitariya", həmçinin "Zorakılığa yox deyək!", "İnsan hüquqları", “Konstitusiya və Suverenlik İli”, ilə bağlı bukletlər hazırlayıb, yekunda öz yanaşmalarını digər iştirakçılarla bölüşüblər.

Sosial iş ixtisası tələbələri Bakının tarixi və müasir məkanlarına gəzinti ediblər

ADPU-nun nəzdində Azərbaycan Dövlət Pedaqoji Kollecinin Xarici dillər FBK müəllimlərinin təşkilatçılığı ilə Sosial iş ixtisasının tələbələri İçərişəhər, Şirvanşahlar Sarayı, Mərkəzi Park, Miniatür Kitab Evi və Filarmoniya bağında gəzintidə olublar.
Tələbələr həm şəhərin qədim tarixi irsi, həm də müasir mədəni mühiti ilə tanış olaraq maraqlı vaxt keçiriblər. Bu gəzinti onların Bakının tarixini və müasir simasını daha yaxşı qavraması, dünyagörüşünün genişlənməsi, şəhər mədəniyyətinə marağın artması baxımından əhəmiyyətli olub.