Müqəddəs Ramazan ayının mənəvi dəyərlərini bölüşmək və xeyirxah təşəbbüslərə dəstək olmaq məqsədilə Pedaqogika-psixologiya fənn birləşməsinin bir qrup müəllimi və kollecdə fəaliyyət göstərən “Bərabər Addım” klubunun üzvləri ölkəmizin ilk sosial layihələrindən biri olan “Düşbərə evi”ndə iftar süfrəsinin qonağı olublar.
Görüş zamanı kollecin Sosial məsələlər və ictimaiyyətlə əlaqələr üzrə direktor müavini S. Axundova layihənin gedişi və icra mexanizmi ilə yaxından tanış olub, bu xeyirxah təşəbbüsün əhəmiyyətini vurğulayıb.
“Cığır” İctimai Birliyinin nəzdində fəaliyyət göstərən “Düşbərə evi” yalnız iaşə obyekti deyil, həm də həyat yoldaşını itirmiş analara və ata himayəsindən məhrum olmuş uşaqlara dəstək göstərən sosial layihədir. Burada əldə olunan gəlirin bir hissəsi atası olmayan tələbə qızların təhsilinə yönəldilir.
Unutmayaq ki, kiçik bir dəstək belə kiminsə həyatında böyük ümidə çevrilə bilər.
