Oktyabr- Beynəlxalq Müəllimlər Günü münasibətilə ADPU-nun nəzdində ADPK- nın direktoru dosent İsrayıl İsgəndərovun təbriki

Əziz müəllimlər!

Hər il oktyabrın 5-də dünyanın müxtəlif ölkələrində olduğu kimi, Azərbaycanda da Beynəlxalq Müəllimlər Günü təntənə ilə qeyd edilir. Əlamətdar gün münasibətilə hər birinizi səmimi- qəlbdən təbrik edirəm.

Müəllim bütün dövrlərdə Azərbaycanda böyük hörmət və nüfuza sahib olub. Müstəqillik illərində cəmiyyət həyatında bu şərəfli peşə sahiblərinin rolu daha da artıb. Təsadüfi deyil ki, Ümummilli Lider Heydər Əliyev "Mən Yer üzündə müəllimdən yüksək ad tanımıram" deyir, pedaqoji işçilərin fəaliyyətinə xüsusi önəm verirdi. 

Məlumdur ki, hər bir ölkənin gələcəyi bugünkü gənclərin necə təhsil almalarından, elmin əsaslarına və müasir texnologiyalara hansı səviyyədə yiyələnmələrindən birbaşa asılıdır. Bu baxımdan  məmnunluq hissi ilə deyə bilərəm ki,  kollecimizin pedaqoji heyəti öz vəzifəsinin öhdəsindən layiqincə gəlir. Məhz bu səbəbdəndir ki, təhsil almaq üçün ADPK-ya üz tutan abituriyentlərin sayı ildən- ilə artır, qəbul planı tam dolur, məzunlarımız MİQ imtahanlarında yüksək nəticələr göstərə bilirlər. 

Dəyərli  həmkarlar!

Bir daha hər birinizi Beynəlxalq Müəllimlər Günü münasibətilə  təbrik edir, tələbələrimizin bilikli, bacarıqlı, vətənpərvər və geniş dünyagörüşlü  şəxsiyyət kimi formalaşmasına yönəlmiş nəcib fəaliyyəinizdə yeni  uğurlar arzulayıram.

Bayramınız mübarək olsun!