2026-cı il 5 may tarixində AMEA Mərkəzi Elmi Kitabxanasında Ümummilli Lider Heydər Əliyevin anadan olmasının 103-cü ildönümünə həsr olunmuş “Kitabxanaşünaslığın aktual problemləri” mövzusunda II Respublika elmi konfransı keçirilmişdir.
Konfransın əsas məqsədi kitabxanaşünaslıq sahəsində mövcud problemlərin müzakirəsi, elmi təcrübə mübadiləsi və müasir yanaşmaların təqdim edilməsi olmuşdur.
Konfransda alimlər, tədqiqatçılar və kitabxana mütəxəssisləri ilə yanaşı, ADPU-nun nəzdində Azərbaycan Dövlət Pedaqoji Kollecinin baş kitabxanaçısı Şəhla Hüseynova da iştirak etmişdir.
Şəhla Hüseynova hazırda AMEA-nın elmi-tədqiqat institutları kitabxanaçılarının peşə biliklərinin artırılması, qabaqcıl təcrübənin təbliği, eləcə də kitabxana-informasiya sahəsində elmi-innovativ biliklərin öyrənilərək tətbiqi məqsədilə təşkil olunan təlimlərdə də iştirak edir.