ADPU-nun nəzdində Azərbaycan Dövlət Pedaqoji Kollecinin Pedaqogika-psixologiya FBK müəllimi Süleymanova Arzu Ələsgər qızı 28–30 noyabr 2025-ci il tarixlərində Rumıniyada keçirilən 14-cü Beynəlxalq “ARTEMIS” Elmi Tədqiqat Konqresində iştirak etmişdir.
O, tədbirdə “Musiqi pedaqogikasının elmi araşdırmaları” mövzusunda elmi məruzə ilə çıxış etmişdir. Təqdim olunan tədqiqat iştirakçılar tərəfindən maraqla qarşılanmışdır.
Konqres elmi bilik və təcrübə mübadiləsi, həmçinin beynəlxalq əməkdaşlıq baxımından mühüm əhəmiyyət daşıyır. İştiraka görə təqdim olunan sertifikat beynəlxalq elmi fəaliyyətdə iştirakın rəsmi təsdiqidir.