ADPU-nun nəzdində Azərbaycan Dövlət Pedaqoji Kollecinin Riyaziyyat–informatika fənn birləşməsinin müəllimləri “Xaricdə təhsil almaq, yoxsa ölkədə inkişaf etmək daha məqsədəuyğundur?” mövzusunda debat təşkil etmişlər.
Debat zamanı tələbələr “Harada oxumaq daha yaxşıdır?” sualı ilə yanaşı, həm də “Necə inkişaf etmək daha doğrudur?” sualını cavablandırmağa çalışmışlar.
Müzakirənin təşkilində məqsəd tənqidi düşünən, məlumatlı, müstəqil fikir yürüdə bilən və cəmiyyət qarşısında məsuliyyət hissi olan gənclərin formalaşmasına töhfə vermək olub. Debat prosesində tələbələr öz mövqelərini arqumentlərlə əsaslandırmağı, qarşı tərəfin fikirlərinə hörmətlə yanaşmağı və səmərəli müzakirə aparmağı öyrəniblər. Belə tədbirlər onların həm bilik səviyyəsinin, həm də nitq, ünsiyyət və analitik düşünmə bacarıqlarının inkişafında mühüm rol oynayır.