ADPU-nun nəzdində Azərbaycan Dövlət Pedaqoji Kollecinin Yasamal və Sabunçu korpuslarında Xarici dillər FBK-nın təşkilatçılığı ilə “Conversation Club”ın növbəti görüşü keçirilib.
Görüşdə tələbələr “Profession Choice” mövzusu üzrə gələcək ixtisas seçimi, əmək bazarının tələbləri, şəxsi maraq və bacarıqların peşə seçiminə təsiri barədə müzakirələr aparıblar. Sessiya zamanı iştirakçılar həm fikirlərini sərbəst ifadə edib, həm də ingilis dilində danışıq bacarıqlarını inkişaf etdirmək imkanı qazanıblar.
Tədbir interaktiv sual-cavab, qrup müzakirələri və situasiya tapşırıqları ilə daha dinamik şəkildə təşkil olunub. Tələbələr bu görüşlərin özünəinamı artırdığını və peşə seçiminə daha şüurlu yanaşmağa kömək etdiyini vurğulayıblar.
İngilis dilində ünsiyyət bacarıqlarınızı təkmilləşdirmək və maraqlı mövzularda fikir mübadiləsi aparmaq istəyirsinizsə, sizi növbəti "Conversation Club" görüşünə dəvət edirik!