5 Mart – Bədən Tərbiyəsi və İdman Günü münasibətilə ADPU-nun nəzdində Azərbaycan Dövlət Pedaqoji Kolleci ilə 180 №-li tam orta məktəbin komandaları arasında voleybol üzrə yoldaşlıq oyunu keçirilib.
Tədbir sağlam həyat tərzinin təşviqi, gənclərdə idmana marağın artırılması və iki təhsil müəssisəsi arasında əlaqələrin möhkəmləndirilməsi məqsədi daşıyıb.
Qızların görüşündə kollec komandası 2:0, oğlanların qarşılaşmasında isə 2:1 hesabı ilə qalib gəlib. Oyunlar yüksək komanda ruhu və fair-play prinsipləri çərçivəsində, bayram ab-havasında başa çatıb.