20 Yanvar faciəsinin 36-cı ildönümü ilə əlaqədar ADPU-nun nəzdində Azərbaycan Dövlət Pedaqoji Kollecinin inzibati və müəllim heyəti paytaxtın Yasamal rayonundakı "20 Yanvar" dairəsində yerləşən abidə-kompleksi ziyarət edib.
Kollecin əməkdaşları Azərbaycanın suverenliyi və ərazi bütövlüyü uğrunda canlarından keçmiş Vətən övladlarının xatirəsini dərin ehtiramla yad edib, abidənin önünə əklil və gül dəstələri qoyublar.