ADPU-nun nəzdində Azərbaycan Dövlət Pedaqoji Kollecinin Humanitar FBK müəllimi S. Gülnarənin təşkilatçılığı ilə “Tariximizin iziylə” klubu çərçivəsində növbəti görüş keçirilib.
Tədbirdə tələbələrlə birlikdə II Dünya Müharibəsinin azərbaycanlı qəhrəmanı Mehdi Hüseynzadə (Mixaylo) haqqında “Uzaq sahillərdə” filmi izlənilib və müzakirə edilib.
Müzakirədə tələbələr onun həyatı, partizan fəaliyyəti və qəhrəmanlığı barədə məlumat əldə ediblər. Mehdi Hüseynzadənin faşizmə qarşı mübarizədə göstərdiyi şücaət və 1957-ci ildə Sovet İttifaqı Qəhrəmanı adına layiq görülməsi vurğulanıb.
Qeyd olunub ki, Mixaylo obrazı Azərbaycan gəncləri üçün vətənpərvərlik nümunəsi kimi xüsusi əhəmiyyət daşıyır.