ADPU-nun nəzdində Azərbaycan Dövlət Pedaqoji Kollecinin mülki müdafiə üzrə tədbirlər planına uyğun olaraq, 11 fevral 2026-cı il tarixində Yasamal rayonu üzrə fövqəladə hallar və mülki müdafiə şöbəsinin baş zabiti mayor Elçin Xəlilov və baş məsləhətçi Yaqub Əsgərov tərəfindən kollecin rəhbər heyətinin iştirakı ilə “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda məşq keçirilib.
Məşq mülki müdafiə planının reallığının yoxlanılması, fövqəladə hadisələr zamanı əməkdaşların və tələbələrin təhlükəsizliyini təmin edən tədbirlərin həyata keçirilməsi üçün rəhbər kadrların hazırlıq səviyyəsinin yüksəldilməsi, mülki müdafiə orqan və qüvvələrinin idarə edilməsi sahəsində onların vərdişlərinin artırılması məqsədilə təşkil edilib.