Qəbul Prosesi – Addım-addım
DİM Qeydiyyatı
dim.gov.az saytında şəxsi kabineti yaradın və ixtisas seçimini tamamlayın.
İmtahan
Dövlət Buraxılış İmtahanı (DİM test imtahanı) nəticəsini alın.
Müsabiqə Nəticəsi
Balınıza görə dövlət sifarişi və ya ödənişli yer müsabiqəsinə daxil olun.
Sənəd Təhvili
Müraciət edilmiş sənədləri şəxsən ADPK-ya gətirin. Tarixlərə riayət edin.
Qeydiyyat
Kollecə daxil olma qeydiyyatını tamamlayın. Tələbə vəsiqənizi alın.
Tələb Olunan Sənədlər
Mühüm Tarixlər
| Mərhələ | Tarix |
|---|---|
| DİM qeydiyyatı başlayır | 01 Mart 2026 |
| İmtahan dövrü | Aprel – May 2026 |
| Nəticələrin elanı | 25 İyun 2026 |
| Sənəd qəbulu | 1–15 İyul 2026 |
| Qəbulun açıqlanması | 20 İyul 2026 |
| Qeydiyyat | 21–31 İyul 2026 |
| Tədrisin başlanması | 15 Sentyabr 2026 |
Azərbaycan Respublikasının Orta İxtisas Təhsili Müəssisələrinə Tələbə Qəbulu Qaydaları
Orta ixtisas təhsili müəssisələrinə tələbə qəbulu vətəndaşların təhsil hüququnu tam təmin etməklə, müvafiq təhsil səviyyəsinə uyğun olan təhsil proqramlarını daha yaxşı mənimsəmiş qabiliyyətli və hazırlıqlı abituriyentlərin ixtisası və təhsil müəssisəsini sərbəst seçimi əsasında müsabiqə yolu ilə həyata keçirilir.
Orta ixtisas təhsili müəssisələrinə tam orta təhsil bazasında tələbə qəbulu cari tədris ilində tam orta təhsil səviyyəsi üzrə buraxılış imtahanı verən abituriyentlərin buraxılış imtahanında, digər abituriyentlərin isə müvafiq tədris ilində keçirilən qəbul imtahanında əldə etdikləri nəticələrə (90 ballıq şkala üzrə topladıqları bala) əsasən Dövlət İmtahan Mərkəzi tərəfindən həyata keçirilir.
Müsabiqədə iştirak ödənişlidir. Abituriyentlərə hər bir fənn üzrə 30, ümumilikdə 90 qapalı tipli test tapşırığı təqdim edilir. Tam orta təhsil səviyyəsi üzrə imtahanın müddəti 2 saat 15 dəqiqədir.
Cari tədris ilində tam orta təhsil səviyyəsi üzrə buraxılış imtahanı verən abituriyentlər qəbul imtahanı vermirlər və müsabiqədə buraxılış imtahanında əldə etdikləri nəticələr əsasında iştirak edirlər.
Azərbaycan və rus dilləri istisna olmaqla, tədris digər dillərdə aparılan ümumi təhsil müəssisələrində təhsil alan şagirdlər buraxılış imtahanının nəticələrinə əsasən orta ixtisas təhsili müəssisələrinin ixtisasları üzrə müsabiqədə iştirak etmək üçün buraxılış imtahanı çərçivəsində orta ixtisas təhsili pilləsində təhsil almaq istədikləri tədris dilinə uyğun olaraq, Azərbaycan dili və ya rus dili fənnindən də imtahan verməlidirlər.
Abituriyentlərin yerləşdirilməsi onların seçdiyi ixtisasların ardıcıllığı nəzərə alınmaqla, ixtisaslar üzrə vakant yerlərin sayı çərçivəsində həyata keçirilir. Abituriyentlər müsabiqədən keçdiyi ixtisasların birincisinə yerləşdirilirlər.
Müsabiqənin nəticələri elan olunduqdan sonra boş qalan yerlər elan edilir, abituriyentlər tərəfindən bu Qaydaların 4.1-ci və 4.2-ci bəndlərinə uyğun olaraq ixtisas seçimi həyata keçirilir və həmin yerlərə müsabiqə yolu ilə yerləşdirilmə aparılır.