Təhsildə kəsə yol yoxdur. Yol aram-aram, səbrlə gedilməlidir. Başqalarını öyrətdikcə özün də öyrənirsən. Öyrəməyə və öyrətməyə həvəsləndirməkdən, motivasiyadan və stimullaşdırmadan başlamaq lazımdır. Bu amillər ilk öncə milli-mənəvi dəyərlərə, dövlətçiliyə sədaqət üzərində qurulmalı, pedoqoji fəaliyyətin əsasını isə bu dəyərləri özündə saxlayan lider gənclərin inkişafı və  şəxsiyyət kimi formalaşması təşkil etməlidir. Hər həqiqi müəllimin özü bir elmdir, bir məktəbdir. Bu məktəbin ölçüsünü və dəyərini zaman verir, onun məzunlarının uğurları isə onun keyfiyyətinin ölçüsüdür.