ADPU-nun nəzdində Azərbaycan Dövlət Pedaqoji Kollecində 03.02.2021 tarixində Microsoft Teams platforması üzərindən "Cəmiyyətin ortaq problemi-məişət zorakılığı" adlı onlayn tədbir keçirilib.
Tədbir Tərbiyə işləri üzrə direktor müavini Nigar Şirəliyeva və kollecin psixoloqu Orucova Aytən təşəbbüsü ilə həyata keçirilib.
100-dən çox tələbə, müəllim heyəti və digər psixoloqların iştirakı ilə baş tutan görüşdə aktiv müzakirələr aparıldı. Onlayn tədbirdə zorakılığın növlərindən, insan həyatına təsirindən, onu formalaşdıran səbəblərdən və qurtulma yollarından bəhs edildi. Psixoloqlar öz təcrübələrini və praktik məsləhətlərini bölüşərək tələbələrə bu kimi hallarda daha çox diqqətli olmağa çağırdılar.
Hörmətli tələbələr, ətrafınızda baş verən zorakılığa susmayın. Unutmayaq ki, dünyanı sevgi xilas edəcək.
