Tədbirdə ADPK- nın rəhbərliyi, müxtəlif şöbələrin müəllim və tələbələri iştirak edib.

Çıxış edən kollecin direktoru dosent İsrayıl İsgəndərov İkinci Qarabağ  müharibəsində və lokal antiterror  əməliyyatında qazanılmış möhtəşəm qələbələr nəticəsində Azərbaycanın ərazi bütövlüyünün və dövlət suverenliyinin tam təmin olunduğunu,  bu misilsiz zəfərin hərb tariximizdə müstəsna yer tutduğunu qeyd edib. Şəhid analarına və qazilərə müraciət edən direktor kollecin bütün kollektivi adından onlara dərin minnətdarlığını bildirib.

Tədbir tələbələrin ifasında musiqi kompozisiyası ilə başa çatıb.

2023- cü il oktyabrın 31- də  ADPU-nun nəzdində Azərbaycan Dövlət Pedaqoji Kollecində 8 Noyabr - Zəfər Gününə həsr olunmuş "Vətəni qorumaq hər bir vətəndaşın borcudur" devizi altında rəhbər və inzibati heyət, habelə FBK müəllimləri arasında güllə atıcılığı üzrə yarış keçirilib.

Yarışda 45 müəllim və əməkdaş  iştirak edib. Münsiflər heyətinin tərkibi elan olunub və onlar öz yerlərini tutduqdan sonra yarış başlayıb (münsiflər heyəti: Sevda Axundova, Nigar Şirəliyeva, Şahəddin Nərimanov).

Yarış iştirakçılsrının 4,5 mm-lik pnevmatik tüfəngdən, oturaraq, qolları stola dirsəkləyərək atəş açmaları, həmçinin təhlükəsizlik tədbirləri haqqında məlumatları hərbi rəhbər Rövşən Quliyev diqqətə çatdırıb. 

Yarışda 1-ci yeri Ailə və ev təhsili şöbəsinin müdiri Babayeva İradə Məzahim qızı (27 xal), 2-ci yeri İncəsənət və fiziki tərbiyə FBK müəllimi Əliyev Murad Bəxtiyar oğlu (26 xal), 3-cü yeri Keyfiyyət və təminat şöbəsinin əməkdaşı Bağırova Zeynəb Bayram qızı (25 xal) tutublar.

ADPU-nun nəzdində Azərbaycan Dövlət Pedaqoji Kollecinin Humanitar fənn birləşmə komissiyası müəllimlərinin təşkilatçılığı ilə bu əlamətdar  günün tarixinə həsr olunmuş tədbir keçirilib.

Tədbir Azərbaycanın Dövlət Himninin səslənməsi ilə başlayıb, şəhidlərin ruhu 1 dəqiqəlik sükutla yad edilib.

Tədbirdə qeyd edilib ki, çoxəsrlik tariximizin  şanlı səhifələrindən olan Azərbaycan Xalq Cümhuriyyəti  XX əsrdə özünün dövlətçilik təcrübəsi və demokratik islahatları ilə müsəlman Şərqinin mayakı rolunu oynamağı bacardı. Cəmi 23 ay mövcud olmasına baxmayaraq,  Cümhuriyyət böyük bir coğrafiyanın siyasi həyatında mühüm rol oynadı, onun fəaliyyəti sayəsində dövlətçilik tariximiz daha da zənginləşdi. XX əsrin sonunda  Azərbaycan xalqı  dövlət  müstəqilliyini yenidən bərpa etdi. Bugünkü müstəqil  Azərbaycan Respublikası    Xalq Cümhuriyyətinin  varisidir.  1918-ci ilin gözəl bir yaz günündə ilk dəfə dalğalanan, 23 aydan sonra məcburən gizlində saxlanılan üçrəngli bayrağımız əsrin sonunda yenidən dalğalanmağa başladı.

 1991-ci ilin 18 oktyabrında dövlət  müstəqilliyinin bərpası xalqımızın ötən əsrin əvvəllərində yaşadığı şərəfli tarixin, şüurlarda yaranmış milli oyanışın, azadlıq eşqinin bəhrəsi idi.  Ümummili Lider Heydər Əliyevin ikinci dəfə hakimiyyətə qayıdışından sonra  Azərbaycanın ictimai-siyasi, sosial- iqtisadi, elmi-mədəni həyatında, beynəlxalq əlaqələrində əsl dönüş yarandı, elmi əsaslara, beynəlxalq norma və prinsiplərə uyğun dövlət quruculuğu prosesi başlandı.

Bu gün hər bir azərbaycanlı böyük fərəh hissi keçirir. Çünki son 30 ildə görülən işlərin, həyata keçirilən ardıcıl və məqsədyönlü tədbirlərin nəticəsi olaraq, ən  ağrılı problemimiz həll olunub,  Qarabagımız  düşmən tapdağından azad edilib.

ADPU-nun nəzdində Azərbaycan Dövlət Pedaqoji Kollecinin direktoru dosent İsrayıl İsgəndərov pedaqoji fəaliyyətdə əldə etdikləri  yüksək nəticələrə görə birinci tədris ili qruplarında dərs deyən müəllimləri  fəxri fərmanla təltif edib.